名模陳沛嘉和周倩圯昨日在黃埔為「紅旗轎車展」宣傳，陳沛嘉大談車經，更自爆在澳門揸大膽車，她說：「我一向鍾意車，15、16歲已經喺澳門揸大膽車，第一架車已經有法拉利咁嘅性能。」她續說：「不過我𠵱家做咗安全駕駛者，仲係大懵司機，試過喺澳門條路太黑，差啲跌落坑，所以少咗揸車，去兜風通常係男朋友揸。」她又指dreamcar是一輛開篷跑車。
中秋玩蠟燭
周倩圯則表示中秋節將到西貢BBQ慶祝，她說：「我會自備大量蠟燭，我最鍾意玩蠟燭，細個中秋仲試過燒親，不過都冇嚇親我，照玩。」她又謂與男友在泰國游水，夜晚也愛在水池邊放蠟燭，營造浪漫氣氛。
採訪、攝影：RitaLeung
