汪明荃一連三場的演唱會前晚於紅館圓滿結束，邀得李克勤、黃宗澤及胡杏兒擔任嘉賓，而楊千嬅送上用銀紙摺成的花束上台獻花，𠱁得阿姐笑逐顏開。《我的野蠻奶奶2007》的監製及有份演出演員湯盈盈、滕麗明及白雪仙都有到場欣賞。早前於報章刊登全版廣告預祝汪明荃成功的國際古董鐘錶收藏家的梅強年也有到場支持。阿姐契女謝婷婷也全程在後台陪着契媽。
請愛郎去旅行
事後阿姐在佐敦舉行慶功宴，她稱尾場表現較首兩場好，她說：「冇咁攰，不過感覺好開心。」她並大讚擔任首場演唱會嘉賓的男友羅家英表現不俗，問她家英哥是否攞足滿分，阿姐甜笑說：「佢有佢特色。」問她會否減少鬧家英哥作獎勵，她說：「會，佢今次真係有功勞，我份人平時性急，而佢份人比較慢，所以至成日鬧佢。」阿姐透露會請對方旅行，但未決定去的地點。至於會否舉行紀念入行50周年的演唱會，阿姐稱要視乎70歲時的體力如何再作決定。
此外，阿姐跟劉松仁於1980年主演的經典劇集《京華春夢》的外景取景場地景賢里近日被清拆了一部份，劉松仁日前更揚言願意挺身抗議保護該建築物，並說：「要舉牌跪地我就會去！」阿姐聞言：「佢會㗎，佢係熱血青年。」
促政府保文物
阿姐續稱：「當年拍時見入面啲嘢好靚，好有感情，文物保護，政府應該去做，如果香港政府唔識珍惜，會同其他城市冇分別，因為歷史先證明佢同其他城市有乜唔同。」
此外，商台昨日播出胡杏兒與黃宗澤錄音訪問，談到若果遇到李安，會否似梁朝偉及湯唯作裸露演出，宗澤坦言首要是操弗點再接拍，而杏兒都會接受，但絕對是專業為主，並非為露體而露體，杏兒笑說：「若果佢（宗澤）拍咗，我會睇晒各大戲院作支持。」宗澤回敬說：「你拍，咁我每場包起兩行位支持。」
採訪：馬建華
攝影：仇志德
