何韻詩噚日喺商台接受訪問，繼上個禮拜同助手傳斷背情後，今個禮拜又話佢同鄭秀文傳曖昧之情。阿詩極無奈話係咪冇新聞，不如叫啲人結婚生仔，點解成日寫佢。佢話同Sammi好耐冇見，會做對方上海演唱會嘉賓，而且佢唔會避忌將啲相再放上blog，因為某啲傳媒概念冇友誼，不論男女老幼都有私情，所以佢決定唔理呢啲報道。