肥媽噚日到柴灣為變靚D拍攝新一輯廣告時，自爆心郁郁想去做收緊手皮手術，但要問准老公先會去做。日前肥媽公開指陳雅倫拍攝《補習天后》時遲到，噚日佢就話要澄清當日佢冇親眼見到陳雅倫，佢係從幾個人口中得知對方遲到，肥媽話陳雅倫有打電話畀佢叫佢澄清，所以佢就同馮仁昭講如果因為佢嘅言論引起誤會，佢就同陳雅倫講聲唔好意思喎。