舒淇前晚現身意大利米蘭欣賞時裝騷，工作忙碌的她只在當地逗留兩天，雖然沒有艷遇，但就大讚米蘭男士很英俊，連的士司機也樣貌突出。在會場內，舒淇深受外國賓客歡迎，不少男士向她搭訕，大讚她「wonderful」。米蘭直擊
米蘭08春夏時裝節進行得如火如荼，香港時間前晚分別舉行了MoschinoCheap&Chic以及GiorgioArmani時裝騷，吸引不少中外名人出席。舒淇則應邀出席MoschinoCheap&Chic時裝展以及新店開幕活動，艷光四射的她除了備受歐美和亞洲傳媒歡迎外，更有不少外國賓客讚她：「Youarewonderful！」又謂欣賞她在電影中的演出。
透視裝千變萬化
問舒淇此行有否艷遇，她笑說：「今次只會逗留兩日，之後要趕返台灣工作，嚟吓睇騷已經好開心，艷遇梗係冇，不過搭車時，連的士司機都好靚仔，不過自己係鞋癡，一定抽時間去買鞋。」時裝騷上有不少see-through設計，舒淇也表示非常欣賞，她說：「啲衫好cute，我好鍾意，自己都敢着see-through，因為入面先可以變化萬千，可愛又性感。」
森姆積遜捧Armani
再問舒淇有否留意城中話題電影《色，戒》，她扁扁嘴地笑說：「因為嚟咗呢度，咪冇時間去睇。」此外，美國名導演SpikeLee以及黑人演員森姆積遜（SamuelL.Jackson）也一同現身米蘭，捧優雅大師GiorgioArmani的時裝騷場。
採訪：梁錦貞 攝影：陳偉權
