由新一代晶女郎孟瑤主演的電影《七擒七縱七色狼》前晚在銅鑼灣舉行首映禮，雖然一眾有份演出的女角都悉心打扮地到場，但孟瑤的一條銅色低胸裙最搶鏡，將她的34D驕人身段表露無遺，令現場人士眼睛大吃冰淇淋。
被王晶打造成新一代晶女郎的內地女星孟瑤，由她擔綱演出，重演性感尤物狄娜經典電影《七擒七縱七色狼》，前晚該戲於銅鑼灣舉行首映禮。於戲中有份演出的女角如谷祖琳、童愛玲、梁敏儀、陳文靜大都性感上陣，而蔡一智夫婦、譚詠麟、苗僑偉戚美珍夫婦則到場支持。
童愛玲俯身晒身材
現年21歲的孟瑤首次出席首映禮，自然要悉心打扮，她穿上一條銅色低胸裙到場，34D驕人身段表露無遺，而童愛玲也不甘示弱，見她不時俯身，令現場登時春色無邊。孟瑤稱因是首次出席首映禮，故下午已開始準備，她揚言要多謝王晶的栽培，她說：「晶哥話會再開新戲，𠵱家揀緊劇本，佢話我唔一定要性感。」她還稱要多謝曾志偉及陳百祥的教導，她轉述陳百祥讚她表現不俗，叫她繼續努力。
「王晶呢個電影烏蠅」
此外，谷祖琳早前穿上性感的胸圍底褲跟余文樂拍攝電影《IcomewiththeRain》，問小谷為何如此性感地演出，她表示：「個感覺似着比堅尼，普通人都會咁着，冇乜特別。」近日城中話題是梁朝偉跟湯唯在《色，戒》的激情床上戲，問小谷可會如此大膽地演出，她稱：「作為一個演員就冇問題，不過拍呢啲戲要問過屋企人，同埋要問導演個對手係邊個。」續問谷祖琳的底線如何，她謂：「要問過屋企人，如果佢哋冇問題我就冇問題。」那麼男友對她日前的性感戲可有意見，小谷稱：「佢喺外國長大，同埋佢知我係專業演員。」
而專程到場支持好友曾志偉、王晶及陳百祥的譚詠麟，他笑言：「我要睇王晶呢個電影烏蠅，點帶幾個害蟲去遺禍電影圈，不過都要頒個安定繁榮獎畀佢，因為佢令好多人有工開。」
採訪：何永寧
攝影：林德雄
