上屆港姐冠軍陳茵媺噚日同埋沈卓瑩、王貽興等，冒住雨去筲箕灣一個高爾夫球場，幫歡樂滿東華嘅比賽開記者會。雖然話港姐美麗與智慧並重，不過陳茵媺打波就唔係好掂喇，佢自己都話要搵人惡補吓先得。近排剪短晒頭髮嘅佢原來就快拍處女劇《盜亦有道》，仲會扮警察㖭，問佢怕唔怕動作鏡頭搞到損手爛腳啦，佢話自細鍾意運動，成日都會整親，冇有怕喎。