由劉德華、陳奕迅（Eason）、苗僑偉及黃日華等合作的新片《兄弟》於下月中上映，電影主題曲由Eason作曲、出品人之一華仔填詞，並由二人合唱。華仔表示拍此戲是一種緣份，其間眾人相當投入，且互相影響情緒，令他對拍攝過程十分回味。
發揮空間大
華仔說：「導演畀好大空間我哋去發揮，拍戲現場好似戲名咁，大家都係兄弟，每個人都好虛心咁互相問吓自己嘅演出。」Eason則說：「拍呢齣戲係個藉口，提供兄弟聯絡感情嘅機會，仲可以交流演戲心得。」
電影拍畢後，華仔大讚道：「導演趙崇基用好新嘅角度拍英雄片，內涵好深，每個人都以為自己可以改變好多事，但無論點努力，個世界都唔會因此改變。」
撰文：丁寧