網聞：轉工學生畢業要寫紀念冊，打工仔轉工則要派「散水餅」。所謂散水餅，是指打工仔轉工時請食西餅，答謝同事多年來的照顧，表達離別時的小小心意，可謂物輕情義重。不過，網民mycmk卻希望改派其他食品，目的是要「慳錢」。
「之前好多同事都係請食cake，仲要係貴cake，打算請食冬甩，點知前幾日老細請咗。」mycmk想盡辦法，希望散水餅價錢便宜又得體，有網民建議可改派「散水蛋撻」或者「散水朱古力」，甚至是「散水雪糕」，網民belle說：「雪糕啦！『哈根大師』一盒四個，好似除開唔使10蚊杯。」
不過，潮流講求健康飲食，不少網民都建議請食生果糖水。網民磚頭說：「我之前份工得10個同事，啲同事又好好，就住嚟叫，所以加埋唔使300蚊，如果嫌許留山貴，可以搵啲平平哋嘅糖水舖。」網民daitauchoi亦贊成說：「食糖水啦！有熱有凍個個啱。」網民ac_abby說：「𠵱家好多人都請果汁、生果盒嗰啲，你都可以諗諗。」
http://www14.discuss.com.hk/viewthread.php?tid=5369855&extra=page%3D2&page=1