有冇發覺，越來越多身邊嘅人離開你？上次有呢種感覺已經係80年代，個個同學話移民，成日送機。呢種感覺又返嚟，好多朋友話佢哋嘅同事紛紛離職，只因市道好，多人跳槽，連澳門都過嚟挖角啦。
最近又有同事走，細個時送機都會見到同學抱頭痛哭，估唔到今日人大咗，仲有呢啲情景。但係我啲眼淚好似神秘銀行存款，不斷咁使，但到真係有需要時，先發覺個戶口原來已經冇晒錢，喊唔出。
離開雖然係開創新天地，但對前景始終會有迷惘，所以有本書最啱你哋送畀離開嘅同事，就係玄學家麥玲玲送出嚟嘅50本《鼠年運程書》，或者可以攞到啲啓示。各位可以寫上姓名、聯絡電話及「蘋果消費blog讀者索取鼠年運程書」，電郵去[email protected]登記，每人1本，先到先得，送完即止。
逢周一至周四刊出