金價升完再升，對不懂投資之道的Net神來說影響不大，不過對一批媽咪級網民則非常吸引。
「黃金升到七千幾，有冇賣過金器？唔知拎去邊度賣收得最高價呢？」網民littlesister日前在親子王國討論區內，向其他媽咪請教賣金之道。
銀行較有保障
傳統上中國人結婚會送贈金器給新娘，不過這些金器如金豬牌和龍鳳鈪，新娘除了在婚宴當晚派上用場外，其餘時間都只會放在保險箱，極少再佩戴使用。因此近日金價急升，觸發大批媽咪興起賣金套現的念頭。網民芝達說：「吓？乜已經去到七千幾咁高位？我都想知去邊處放會價高啲呀？」
有網民話拿去金行賣價錢高一點，另有網民認為銀行較有保障。網民newcook一錘定音：「總之係真金就得，唔使理係咩形狀、喺邊度賣。」原來newcook是過來人：「我喺五千幾嗰時賣咗，嗰時等錢使，冇計。」
http://forum.baby-kingdom.com/viewthread.php?tid=1143257&extra=page%3D1
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]