中環在線:上海姑爺雲南再創天地 - 李華華

中環在線:上海姑爺雲南再創天地 - 李華華

「上海新天地」可以稱得上係「上海姑爺」羅康瑞省靚招牌之作,咁多年嚟都仲係上海「潮人」蒲點、上海地標之一。羅康瑞更加因為呢個項目名利雙收,因為「新天地」品牌好似「倒模」咁越搞越多,杭州、大連都有新天地,最新一個「天地」將會喺雲南。

住宅商廈搵真銀

瑞安同雲南省政府啱啱達成共識,研究喺昆明、麗江、大理同埋香格里拉開發休閒度假、民族風情同生態旅遊。不過,單係做旅遊,賺到名聲,但冇實利,用番上海新天地做參考,除咗蒲點,隔籬一大片住宅同商廈先搵真銀。華華唔知姑爺同雲南政府大計嘅詳情,但雲南省省長秦光榮話:「雲南歡迎瑞安集團到雲南投資旅遊業及包括房地產配套設施開發,促進雲南經濟社會發展。」聽到呢句,大家應該明啦!