香港愛護動物協會昨日於中環置地廣場的Tiffany舉行活動，邀請不少名人帶同愛犬出席。原本有指會長傅明憲（Gigi）也會現身，但昨日未見其影蹤，不知是否受夫婿葉劍波返港被捕所影響。愛護動物協會的公關表示：「今日Gigi唔會嚟，佢唔係每次活動都會出席。」其他出席者包括陳鴻業前妻施念慈及最近跟陳鴻業對簿公堂的鈴木仁。
「送禮更加唔會」
施念慈帶了四歲半的「囡囡Uni」及一歲的「囝囝Romeo」到場，日前「表妹」鄭詩韻透露婚宴未有打算請她出席，問她會否感到對方無情，她說：「唔會，都冇諗過對方請我飲，同佢只係點頭之交，係唔係朋友唔緊要，以前啲嘢都過去，唔想再牽連，自己都有拍拖，OK開心，送禮更加唔會，會好奇怪。」
對於曾有傳陳鴻業向施念慈動粗，問施念慈會否以過來人身份提點鄭詩韻，她說：「唔會，我冇資格。」
鈴木仁拒和解
此外，鈴木仁找來同事的愛犬Popeye相伴，當他得悉陳鴻業與鄭詩韻將會結婚時，鈴木仁笑笑口說：「係咩？congratulation。」問到他會否與陳鴻業庭外和解，他說：「冇呢個打算，呢啲係等檢控官決定，雖然佢結婚，要casebycase嘛。」
採訪：MaggieLaw
攝影：DickyChan
