24/09/2007.....
狂風大雨
最新動態
利物浦阿仙奴同時間開賽，波友傾囊下注，感受卻如冰火相煎，馬會贏個盤滿缽滿，可惜開盤大員欠專業（或者專登跣人），「首球」開出「主其他」，冇乜波友中到；雲格賽前話明變陣，何況戴亞比經常有上陣機會，連桑治都有列「首球」名單，難明？
咁啱前三色台「金猴組合」都先後喺直播，搞錯晒狄亞拉同戴亞比嘅身份，前晚戴亞比入波後，某主持話佢係啱啱喺車仔過檔嗰位狄亞拉，兩人高度差成個頭，而且戴亞比已加盟阿仙奴逾年半、仲被視為新韋拉嘅長腳蜢，前季尾喺比賽被踢斷腳唞咗半年，希望大家做多啲功課，咪再搞錯！
講開專業，不得不提蘭桂坊之父盛智文，噚日睇到個電視節目，講佢老人家點樣將海洋公園起死回生，作為主席，唔怕肉酸，扮鬼扮馬，做阿頭，真係要知民間疾苦、用家需要；連養隻馬都咁醒，噚日隻「幸運勇將」替大摩開齋，佢喺香港做到真正大贏家，唔係齋坐喺冷氣房！
http://hk.myblog.yahoo.com/footballexperts/
逢周一至五見報
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。