關仁隱事:電眼影帝寸阿文下火 - 關仁

關仁隱事:電眼影帝寸阿文下火 - 關仁

型爆紅星「阿文」同「電眼影帝」早前合作完一部戲之後,最近又一齊拍大隻坤部春秋時代嘅史詩式電影,不過佢兩個唔多啱傾,因為電眼影帝有時覺得阿文麻煩兼扮嘢。話說有一次片場啲工作人員為啲濕碎事嘈,原本拍攝現場已經又焗又熱好難頂,佢哋仲唔識死喺阿文附近嗌交,搞到佢終於爆發,連珠炮發咁鬧到班友仔退避三舍,不過電眼影帝看在眼裏就覺得好好笑,仲叫人不如斟杯凍水畀佢飲吓,等佢下咁啲火,搞到阿文真係嬲到出唔到聲,畢竟電眼影帝輩份比佢高,佢點敢同影帝開拖。
Textby關仁