大角嘴火警不單止是一宗獨留兒童在家的悲劇，同時也揭發男童平日經常被「後母」虐打，除了警方發現男童「滿身藤條痕」外，亦有鄰居表示：「夜晚成日聽到個細路喊，佢阿媽（男童父親同居女友）打佢打到啪啪聲……佢真好可憐呀！」
經常傳出哭聲
據悉，男童父親與17歲同居女友在今年7月租住事發的200方呎一廳一房單位，當時他向地產經紀表示自己在餐廳工作，地產代理職員透露：「佢話自己冇錢，之前同女友喺旺角住，𠵱家想搬過嚟，佢唔似蠱惑仔，咪好心冇收按金同上期，淨係收佢哋3,500蚊租金，不過住咗一個月就開始拖租，𠵱家連同水電費仲欠3,000幾蚊。」
據一名泰籍女街坊說，經常聽到事主家中傳出男童哭聲，又聽過「女人打仔打到啪啪聲」；又有街坊指事主經常獨留兒童在家，有好心街坊曾經問男童：「使唔使我買嘢畀你食呀？」街坊都知道男童一直乏人照顧。
本報記者