對於有香港警察在日本旅遊時涉嫌胸襲日本女子，城市大學犯罪學課程主任黃成榮分析指出，一般人到外地旅遊時，個人操守會較平日放鬆，而執法人員由於工作壓力大，離開工作崗位更容易做出放縱行為。此外，黃成榮又不排除有人可能經常接觸日本色情資訊，一旦置身其中，便無法克制心中慾念，結果鑄成大錯。
常看AV以為置身其中
日本色情工業發達，俗稱「AV」的色情電影在港可輕易買到，黃成榮表示：「唔排除有人平日經常接觸日本嘅色情資訊，去到日本時便恍如置身其中，一時間控制唔到慾念。」黃成榮同時指出，一般人離開居住地時，社會道德約束都會自然鬆懈，還會抱僥倖心態。「好多人都覺得喺外地冇人識我，冇人認得我，做乜都冇人理，就算俾人發現，都冇人知，以為神不知鬼不覺。」
此外，黃成榮表示，警察是講求高度自律和操守的行業，壓力較一般人大。「警察都係人，冇可能24小時保持住執法人員嘅心態，所以佢哋都會好似一般市民咁放工去消遣減壓。」不過，他表示，壓力越大反彈力亦越大，容易做出過火行為。他建議市民，尤其是紀律部隊人員，平日多做運動，減壓紓緩情緒。
網民有嘢講：影衰晒香港人
「影衰晒香港人！影衰晒香港警察，條友返嚟實俾人兜走。」─烽火連城（香港討論區）
「可能佢以為日本女仔個個好似啲AV女優咁開放。」─不給腸六世（高登討論區）
「鄧竟成又會話今次只係個別事件，大部份警員都係守法克制。」─我有剷車牌（高登討論區）
「𠵱家啲警察學堂係咪應該做埋人格檢定？」─牛牛超（香港討論區）
「仲用數碼相機影埋人相，走唔甩啦！」─enfin（高登討論區）
資料來源：香港高登討論區