澤尻英龍華日前被踢爆同年齡相差22年嘅中坑DJ高城剛共度春宵後，前日現身新片《ClosedNote》喺東京舉行嘅特別試映會。雖然大家都好想知道佢嘅戀情，但當日澤尻冇就緋聞表態，只係同場內1,100fans打招呼同握手簽名。另外，曾經同澤尻男友高城剛傳緋聞嘅女星佐藤江梨子，前日就喺自己嘅blog度澄清同高城只係普通朋友，又話自己先後傳過唔少緋聞，所以都慣晒。