Case049
讀者Y報料
熊黛林貴為「車神」郭富城的緋聞女友，當然不甘心只做乘客。來港不足兩年的她，早前便打鑼打鼓表示想買二手車代步，又為學車而推掉不少工作。
上周五（21日），熊黛林懷着戰戰兢兢的心情考車牌路試，結果順利一take過，完全符合當「車神嫂」的資格，未知城城可會借靚車給她兜番兩轉？
心情緊張
凌零發日前接獲讀者Y報料，指出熊黛林上周五下午約3時在跑馬地現身。從讀者提供的照片所見，薄施脂粉的熊黛林以牛仔褲配花花上衣的輕便裝束上陣，但當見到考官後，當堂一臉繃緊兼「唧」都唔笑，心情似乎十分緊張。
到考試時，熊黛林即時展現「車神嫂」風範，無論泊車或掉頭，都掌握到得心應手，歷時約15分鐘的考試，都沒有驚險鏡頭出現。結果熊黛林一takepass，隨即展現久違了的歡顏，並以高八度聲線感謝教她駕駛的周師傅，相信暗中為她補課的城城也功不可沒。
「唔買跑車」
凌零發昨日致電熊黛林恭賀她，她說：「嗰日心情好緊張，考之前特登走去warmup一吓。我都知嗰時有狗仔隊跟住我，但係都要專心考試，所以冇理到佢哋。」問她可會考慮買車？熊黛林說：「買車唔同買衫，要認真考慮，我算係穩陣型，唔會買跑車。」
版主：凌零發
《蘋果》娛樂版設立讀者來料專欄，歡迎大家提供有關藝人的相片、video及有趣網料。請附姓名、電話及電郵地址，電郵到：[email protected]，網料一經採用，酬勞由$100起。
