何超瓊、楊千嬅、姚樂怡和陳彥行等昨日出席航天城高爾夫球場開幕禮，千嬅以聯合國兒童基金會大使身份代收支票，由於她親臨會場，大會即場將善款由20萬加碼至33萬多，令千嬅受寵若驚。至於擁有驕人身材的姚樂怡則出現凸點情況，頓時搶走同擁有美好身段的行姐風頭。
建議搞握手會
談到網上有人炒陳奕迅（Eason）頭行飛加送千嬅門票，千嬅聞言說：「勁，好畀面揀我送，好神奇未聽過，話明炒就唔使送飛啦，我下次同Eason一齊開，或者叫Eason放棄三面台，又或者我同Eason喺Sogo門口舉行握手會。」至於《同病相憐》MV被網友指炒YUI的MV，千嬅說：「MV係黎生（黎明）同公司搞，我係演員，事前只係睇晒黎生送嚟嘅MV作參考，問公司啦，我唔敢回應。」對於接二連三的新聞，千嬅笑謂要看黎生的MV闢邪。
採訪、攝影：馬建華