今年暑假做老襯嘅加利仔，本來諗住同老婆仔搬入造價過億港元嘅新屋共築愛巢，殊不知因為間新屋不斷出現問題，搞到家陣都仲未入伙！不過最新發現話佢間屋嘅地基不穩，又要拆牆整過，據聞仲要畀多成千萬去搞；錢對加利仔嚟講唔係問題，不過佢咁辦事不力，唔知有冇俾太座罰跪玻璃呢？