嫦娥傳<br>若開拍《嫦娥傳》,認為那個藝人最適合扮嫦娥?

嫦娥傳
若開拍《嫦娥傳》,認為那個藝人最適合扮嫦娥?

劉浩龍商天娥好演技

「如果真係開拍《嫦娥傳》嘅話,我覺得應該由商天娥做嫦娥呢個角色,因為佢個名已經有個娥字,所以由個名一睇,都知道呢個角色好啱佢做。同埋我細細個都睇娥姐嘅劇,我仲記得佢古裝嘅造型都好靚,所以呢個角色非佢莫屬,而且佢咁好演技,做任何一個角色都難唔到佢。」

吳日言混血嘉欣最靚

「好多人都會覺得嫦娥個樣係好傳統嘅中國人樣,但係我認為搵一個有啲mix嘅人去做反而有趣,所以咁多藝人當中我諗李嘉欣會好適合做嫦娥呢個角色,首先佢個樣有啲鬼鬼哋,加上佢已經好多年冇拍過劇集,我都好想再睇佢拍劇。另外,喺我心目中嫦娥應該係一個大眼美人,咁搵李嘉欣做就最啱啦。」

吳日言

李嘉欣

何韻詩城城反串最好

「如果拍《嫦娥傳》,我覺得郭富城可以反串做嫦娥,可能因為呢排成日見到佢拍攝嘅月餅廣告,我覺得佢好容易就表達到個產品,佢似乎有種辦法能夠令個產品突出啲,而且佢將件事變成佢嘅獨有style,所以我估佢做嫦娥,一定有自我風格嘅。」

何韻詩

郭富城

湯盈盈阿佘至叻飛天

「我係鬼妹仔,都唔係好熟識嫦娥係乜嘢人。不過佢如果好癡情好靚好古典,仲係識得飛天,我第一個就會諗起阿佘佘詩曼,佢做古裝都幾靚呀!同埋要成日飛,我覺得阿佘好似識得飛咁,以我所知,佢吊威吔好勁,咁佢做嫦娥都好合適,一定唔會吊到暈浪。」

採訪:李珮洳、楊潔雯、王連連

湯盈盈

佘詩曼

商天娥