森美和小儀前晚在理工大學演出《森美小儀歌劇團》，森美起初因小儀醜樣，要三度掌摑她，最後二人相戀時卻深情互吻，更吻得頭擰擰，事後小儀表示不尷尬，又強調錫時沒有伸脷，森美則笑言小儀不是靚女，所以不用向老婆備案。
森美與小儀及一班商台DJ前晚在理工大學演出《森美小儀歌劇團》，何韻詩擔任嘉賓。故事講述森美與小儀結婚，但洞房時才發現小儀樣子奇醜而悔婚，其間不停罵她醜樣，三度掌摑她，後來森美愛上朱薰，被情敵男爵Leo加害而變儍，幸得小儀落力照顧。原來森美只是扮儍，被小儀打動愛上對方，而森美一句真心的「Iloveyou」，更令小儀的家族詛咒得以解開，由醜女變回靚女。大團圓結局時，森美和小儀熱烈擁吻，兩個人吻得頭不停搖動，惹得全場嘩然。
「要避開小儀條脷」
事後二人接受訪問，談到接吻時很用力，森美說：「我feel到小儀好用力啜我，我唔用力嘅話，人哋會話我冇出力。」至於錫到頭都轉，森美笑謂：「我要避開小儀條脷。」小儀大叫：「我冇伸脷呀。」
問到二人如此熟絡，可會尷尬？小儀說：「我返屋企有反思，如果係少爺占或者細蘇，就會尷尬，因為我同森美知大家底線，冇咁易付出咁多。」森美謂怕演出時忍不住笑，故之前綵排了兩次。談到被掌摑，小儀謂：「好彩我面皮夠厚，唔係就好痛。」問森美可有向老婆滙報要與小儀熱吻，他笑說：「唔使，佢又唔係靚女，我同Stephy都咀過，我老婆咪仲驚。」
森美將不少電影橋段加入劇中，例如小儀會像《92黑玫瑰對黑玫瑰》的黃韻詩耍太極一樣，她聽到音樂盒的歌就會跳舞，森美儍了後又學周星馳在《家有喜事》中扮晾衫架，而且更有不少成龍式打架場面，事後森美說：「我哋一早講咗會加少少電影元素喺裏面。」嘉賓何韻詩做說書人又扮仙子，幫忙撮合森美和小儀，她接受訪問時表示其服裝要留給其他嘉賓穿着，最好多做一套，提到尾場嘉賓是容祖兒，阿詩謂：「內膽最好自己帶，其他冇法要共用，尾場嗰個最慘。」
採訪：胡比
攝影：陳志嵐
