「姣精」同「銀杏」經常扮老友，但佢哋兩個私底下其實好唔妥，好似最近播嗰套劇入面，姣精同銀杏一齊爭「整容男」，有兩場戲係講姣精打完銀杏一巴掌之後冇幾耐，輪到銀杏打番姣精一巴；本來銀杏之前同其他人拍劇，都肯俾對手嚟真打一巴掌，但姣精點都唔肯俾銀杏真打，銀杏唔想自己蝕底，所以都唔俾姣精打，結果嗰兩場戲要配音，配番啲掌摑聲，出嚟嘅效果自然差好遠。有位幕後人員同關仁呻，姣精話就話劇后，但拍親呢類俾人掌摑戲份時，點都唔肯俾人真打，相反「皇妃娘娘」、「衫哥」同「蟲仔」佢哋每次拍俾人掌摑嘅戲份時，都會叫對手唔使留力，出盡力去打自己，邊啲專業邊啲唔專業，一睇就知相差十萬九千倍啦！
Textby關仁
