鄭詩韻與施念慈的前夫陳鴻業明年結婚，她前晚在中環出席LV活動時，尷尬多謝施念慈祝福，但斷然表示不會請對方飲喜酒，更表明「佢唔係朋友」。現年44歲的錢慧儀，對近期闊太興起整容潮不表認同，認為女人在不同年齡有不同風采，自然才是最美。
超級品牌LouisVuitton贊助的「Sovereign2007傑出亞洲藝術獎」，前晚在中環舉行作品拍賣晚會，吸引大批城中名人及藝術愛好者捧場，包括何超瓊、何超鳳幾姊妹、郭由美子、九巴後人雷兆光林靜怡夫婦、林明珠、林學華和鄭詩韻等。全場29件作品競投熱烈，最終賣得34萬5千美元（約268萬港元），其中何超瓊買了兩件作品。
父母滿意未來女婿
鄭詩韻將與施念慈前夫陳鴻業在明年春天結婚，前晚兩人結伴出席，但陳鴻業顯得有點避忌，拍照後匆匆入場。鄭詩韻穿上MatthewWilliamson花裙，戴上逾10萬元的adler頸鏈，她說：「𠵱家忙緊搞酒席，最煩係搵唔到地方擺酒，好煩。」問她父母可喜歡未來女婿、有否介意他再婚？她說：「滿意，每個人都有過去，呢點佢哋好明白。」
提到施念慈祝福她倆，鄭詩韻略為尷尬說：「多謝！」但會否請對方飲喜酒？她則說：「唔會，佢唔係朋友，又唔熟，其實今次主要尊重父母，以佢哋親友為先，可能我都要擺多一日酒，招呼自己朋友。」至於婚後兩公婆的財政安排，她說：「我哋一向好獨立，佢唔係好識計數。」
收藏張大千潑彩畫
大生家族後人馬清揚與太太錢慧儀也有出價競投藝術品，錢慧儀透露個人最珍貴的畫作收藏，是一幅以六位數字買得的張大千潑彩作品，提到近期闊太興起整容潮，錢慧儀說：「我唔需要，自然美先係最美，我覺得年紀大咗，最重要係心情開朗，外表唔係唯一，唔同年齡有唔同風采。」
錢慧儀續說：「一直冇諗過整容，更加唔想整上癮，諗起米高積遜就驚。」對於有名媛為取悅老公而整容，她說：「唔同先生有唔同需要，但每個人都有瑕疵，兩夫婦最緊要係包容。」
採訪：JessicaNgan
攝影：ChenWaiOn
