日本尊尼偶像組合KAT-TUN成員赤西仁，被富士電視台欽點演出改編自人氣漫畫嘅新劇《有閑俱樂部》，可惜消息公佈後惹嚟漫畫迷批評，話唔應該將呢部以女性為中心嘅漫畫，變成赤西仁等尊尼仔嘅天下。
A：吓？男仔角色全部都係尊尼仔……內容一定好悶，真係失望！
HO：劇集《花樣少年少女》都有好多部份同漫畫唔同，雖然漫畫迷當時都好激動，但劇集最後都大收，證明一切都要靠工作人員同演員嘅努力。
白癡樣：6位主角中，只有赤西仁嘅髮型同漫畫最唔似，漫畫迷一定好唔順。佢嘅演技次次都一樣，相信只有佢嘅fans至鍾意睇。
KAKI：希望故事忠於原著。
?：期待赤西仁嘅復出，既然大家都留意你，你要加油啊！
A~：原作還原作，劇集還劇集。唔鍾意嘅人咪唔好睇囉。
赤西仁向來新聞多多，阿Deep都想快啲知道劇集下月首播時收視如何。
網址：
http://idolgravuredvd.seesaa.net/article/56441630.html