最近等睇深宵波前，都會扭去二奶台睇套講楚漢相爭嘅大陸重播劇，覺得大陸拍嘅戰爭場面實在好正，同三色台早幾年由秋官做劉邦嗰套所謂千軍萬馬相比（睇嚟睇去都係得兩三部爛鬼木頭車），浩瀚得多。香港劇大部份摺得，難怪舊同事小凡長追大陸劇。
睇見韓信點功高蓋主，終落得悲慘下場，情況同摩連奴十足十。飛鳥盡、良弓藏，世上冇邊個有為下屬可令油王稱心，有，都只係擦鞋仔。「車仔」易帥，實力減，爭標少隻香爐少隻鬼，紅軍氣燄增，今鬥伯明翰穩開「主勝」。
讓球主客和：利物浦勝[-1]
心得：跟紅頂白
近5場往績：輸輸贏輸贏
藍鑽石
忙於為與簡拿華路同日生的囡囡換片、掃風，但睇意甲，一場都不能少。