鄭欣宜、張玉珊和鍾麗琪昨日帶領修身堂的義工隊，到觀塘一間安老院探訪，吸引大批記者到場採訪。欣宜對記者追問肥姐病情大方回應，又笑言肥姐身體情況穩定，更不需戒口。
張玉珊昨日帶領欣宜和鍾麗琪到老人院派月餅，其間張玉珊不時出手扶助行動不便的長者，而鍾麗琪則於現場教一眾公公婆婆做瑜伽健體，欣宜又與一班長者大玩估水果遊戲，令現場笑聲不斷。
近一年來有關肥姐病情的傳言一直滿天飛，近日就有指肥姐雙腳有潰爛情況，欣宜昨日接受記者訪問時回應說：「啲相都係角度問題，媽咪自生咗我之後就有糖尿，佢手腳的確係腫，不過就冇相入面個情況。不過算啦，我都明，係要誇張啲先會有人睇。」
「冇特別戒口」
問到肥姐是否仍需覆診時，欣宜說：「間唔中都要去檢查吓血壓同血糖，醫生話非常之好。」有記者問到肥姐有否偷食月餅時，欣宜即甜笑回應說：「冇偷食，不過有食少少，媽咪除咗蝦同蟹話暫時唔食之外，其他都冇乜特別戒口。中秋節媽咪仲約咗一班uncle、auntie嚟食飯。」
肥姐病情日漸穩定，難怪昨日欣宜心情大好，經常一臉笑容，後來她接受電視台訪問時，又提到肥姐趁休養期間織頸巾消磨時間，欣宜說：「媽咪呢排得閒都會織吓頸巾同冷衫，之前仲織咗條米色嘅頸巾畀我，不過我會留番凍啲先戴。我仲成日同媽咪講，叫佢記得開心啲同笑多啲。」
採訪、攝影：藍文浩
