日本Daihatsu一向都係以生產輕型車仔為主，走嘅亦係平價小車路線，對大多數人嚟講都係一部小型嘅經濟家庭車，好多港人都鍾意。其實除咗細車及Move款式之外，大家又可曾想過Daihatsu原來都有跑車款式，外形仲潮到暈㖭！之不過要數Daihatsu最新、內櫳夠大、外形可愛又討好嘅車仔，就非Sirion1.5莫屬喇，事關呢架Sirion九月初才推出，絕對係新鮮滾熱辣！
記者：梁美甜
攝影：陳偉強
模特兒：Ruby
可愛造型女仔最Buy
Daihatsu（大發）畀人印象一向平靚正，係香港地好多打工仔考牌後嘅選擇，而今日介紹呢款Sirion1.5更係今年9月熱辣到港嘅新型號，一台1,495c.c.的確好啱港人貪抵嘅心態，而外形更係冧盡唔少鍾意Cutie嘅女仔，事關呢款Sirion不但有鮮色車身，其圓潤外形更係得人歡心，眼仔大大又細細架，易揸又易泊車，面對如旺角般逼狹停車場都唔使驚。
車櫳闊大舒服，但相信女士們最Buy還是特大尾廂及多個置物位，擺滿零食、雜物之餘，Shopping完仲有大大個尾廂俾你擺戰利品，算係相當實用小巧嘅車款。
1.後門可以開到80°角，門形仲比其他車寬敞，好大呀！
2.圓碌碌嘅頭燈一啲都唔笨，可以多角度投射㗎。
3.好鍾意呢種有依傍嘅感覺。
4.2004年才第一次推出Sirion款式，今年才有1.5公升，新上加新！
5.估唔到Sirion尾門比同級揭背車高，有1,910mm呀！
6.車仔多咗尾翼，唔知飛唔飛得起呢？
DVVT技術提升扭力
新抵港的Sirion配備了一台1.5公升直4引擎，編號為3SZ-FE的它，最大馬力輸出有103ps/6,000rpm，而扭力亦達138Nm/4,400rpm；單從數據看來的確吸引，但最強是它注入了廠方獨有的DVVT技術，以及世界首創的超級智能催化劑，前者有如Toyota享負盛名的VVT-i技術一樣，能有效減低耗油量的同時，亦能令引擎運轉至約2,000rpm時，提供約90%的最大扭力（即約125Nm），從而令起步加速表現變得爽快。至於後者，則利用納米技術，令催化劑中的Palladium、Platinum和Rhodium等稀有金屬，能夠產生自行再生功能，以讓催化器可長時間保持高效能。
這還不特止，廠方為因應車子提升了的性能表現，而把前輪煞車碟的直徑加大至246mm，而BrakeBooster的直徑也被加大，配合強化後的Brake總泵及前輪制動卡鉗，每當需要緊急煞車時，還要怕沒能力做到嗎？
7.唯一了無新意嘅就係軚盤。
8.鮮嫩嘅士多啤梨同紅噹噹嘅Sirion相映成趣。
9.速度錶連同轉數錶成一體化設計，車訊一目了然。
10.中控台設計簡約，如Sirion外形般平實而可愛。
11.2,000rpm可以輸出125Nm，成90%扭力，好勁架喇！
12.車仔細細但置物位多多，最啱放我至愛嘅士多啤梨。
DaihatsuSirion1.5規格
引擎：1,495c.c.直4DOHC
馬力：103ps/6,000rpm
扭力：138Nm/4,400rpm
傳動：4前速自動波
查詢：皇冠汽車（24766138）
型仔開篷十零萬有交易
以前要擁有一部開篷型跑，相信無番幾十萬都咪使旨意做得到，𠵱家Daihatsu旗下嘅Copen就絕對做得到。單係外形都媲美歐洲名跑，仲要係開篷嘅㖭，之不過性能同馬力方面就未必揮得贏歐洲跑車，但係十幾萬有咁嘅質素算係咁喇！
「大發」源自日文漢字
好多人以為「大發」呢個名係嚟自Daihatsu嘅英文譯音，其實並不盡然。正確嚟講大發個名係取自「大阪」同「發動機」嘅日文漢字嘅頭一個字而成。事關早在百年之前，大發係喺大阪製造發動機起家吖嘛。
百周年推出多款新車仔
今年剛好係Daihatsu一百周年紀念，日本總公司就推出多款新型號車仔慶祝，分別有港人較熟嘅MemorialEdition同Sport版MoveCustom，另一款就係好受日本女性歡迎而香港無嘅Mira「MemorialEdition」喇！
大發首部七人車
叫得大發仔，當然指佢車仔細細似足K-Car咁的骰。原來呢架車仔已發展到七人SUV車仔呢！Daihatsu首部七人SUV即係Terios加長版，於06年喺印尼推出，以TOYOTA原廠代號3SZ-VE嘅1.5升直4VVT引擎，最大馬力有成109匹㗎。
