上周雖然命中華倫西亞小勝2:1波膽，但其餘兩關失手，球迷們，認真唔好意思；不過本着以小博大心理，總有信心一次食到大茶飯。
法甲升班馬互片吼和
既然中過西甲，今周就決定繼續向呢個聯賽埋手；馬略卡上周主場輸俾維拉利爾，實在欠運，全場馬略卡中柱中楣不下4次，結果因為對手一記世界波而輸波，以馬略卡擁有古爾沙呢位射手，又有快馬艾蘭高支援，作客打突擊的確一流；今次作客艾美利亞，主隊有前鋒古沙特上仗領紅今仗停賽，球隊攻力難免受損，我就信馬略卡作客贏得，一於博西甲大熱波膽2:1啦，9倍賠率分頭都唔錯。
周六法甲有一場「升班馬」大戰，由卡昂主場對梅斯；論近況，兩班波都差到極點，卡昂連續5場不勝，梅斯聯賽更尚未開齋，而且呢類同級對手相遇，開出翻版波膽機會嘅甚大，上季卡昂主場同梅斯摸和0:0，呢個波膽值得再追。
再追斯巴達3:3
冷膽方面，就再向荷甲埋手，鹿特丹斯巴達主場對荷華高斯，兩班波都係入得又失得嘅球隊，鹿特丹斯巴達近3仗和波，而3場都係以大波膽收尾，分別兩場和2:2同一場和3:3，求賠率追今場和3:3波膽。文：牽牛
貼士
波膽過關3串4
星期六56卡昂和0:0（5.5倍）x
星期六61鹿特丹斯巴達和3:3（40倍）x
星期日29馬略卡勝2:1（9倍）
全中2,610倍