無綫遊戲節目《味分高下》八位味之天使「梳打」賈曉晨（JJ）、周麗欣、張韋怡、何卓瑩、鄭瑩瑩、陳蔚而、麥皓兒和陳苑蔚，前日到訪大埔三門仔漁民新村，與居民提早慶祝中秋節。其中以JJ最受歡迎，其他味之天使備受冷落。
八位靚女穿上tubedress出現，與居民大玩估生果遊戲，其中有男居民因為被靚女圍攏，玩得十分投入，不時笑到四萬咁口。其後味之天使又探訪居民，大派月餅。
轉型做歌手
JJ前日26歲生日，經理人公司為她舉行生日會，她說：「曾志偉、裕美、EO2、鄧穎芝等都有嚟派對，估唔到咁錫我，佢哋整咗張海報畀我，好感動。今年係第三年喺香港慶祝生日，但今年就最開心同難忘，我嘅願望係學好廣東話，公司會安排我錄音，睇吓我啱唔啱做歌手，有機會希望出碟，𠵱家專注做戲，我都有跟老師學唱歌。」
採訪、攝影：張俊銘