彭順執導的新片《C+偵探》將於中秋檔期上演，他日前接受記者訪問時，大讚參演該片的郭富城演技日趨成熟，彭順說：「我以前都有睇佢作品，但佢產量唔多，以前佢拍《芭啦芭啦櫻之花》時係一個歌手，因為紅當然要利用呢樣嘢，當日唔會有人敢畀《父子》佢做，郭富城竟然唔跳舞，仲要畀個仔佢？但今日嘅城城已經係講演技，佢知道角色要做乜嘢。」
生活難適應
不少本地導演及演員都夢想進軍荷李活，彭順不諱言自己在當地生活了一年，但覺得很不習慣，他說：「鬼片係有一班觀眾，只要我以呢個題材專注咁拍實搞得掂，但我適應唔到嗰邊嘅生活，暫時唔想去。」
擅拍鬼片的彭順現時開始慢慢轉型，稍後更會協助及指導七大專院校學生拍戲，之後再執導寰宇開拍的武俠片，挑戰自己之餘，也給觀眾一點新鮮感。
採訪：陳月媚 攝影：葉君海
場地提供：JIABoutiqueApartment