蔡少芬（Ada）、姜大偉、岳華、李司棋和黃德斌等，昨日在東莞拍攝無綫新劇《珠光寶氣》，劇情講述姜大偉出席女兒Ada和岳華的婚宴。現實生活中，姜大偉的長女姜依蘭11月會與男友曹永廉奉子成婚，姜大偉說：「拍呢場戲我可以預先感受一吓做外父心情，戲中個女Ada好靚。」
姜大偉表示早已獲悉女兒懷孕，他說：「之前怕BB未夠3個月會小器先唔講，我自己當年都係奉女成婚，婚事都係等佢哋兩個後生自己搞，都係一張婚書，搞喜事開心吓都好嘅。」對準女婿可滿意？他說：「好與唔好唔係我講，個女覺得OK就得。」
Ada唔再做契媽
Ada則澄清好友陳慧珊（Flora）的B女是在本周一出世，她說：「B女同我同一日生日，Flora叫我唔好契佢個女，我已經有個契仔，但都冇時間陪佢。」對於有報道指亞視以天價800萬力邀她跳槽，她說：「我同無綫合作咗咁多年，大家相處好開心，錢係永遠搵唔完。我同無綫仲有約，而且傾工作都係經理人處理。」
採訪、攝影：曾小嘉
