下個禮拜二就中秋節，細個嗰陣時，每逢呢日都特別興奮，事關可以同啲同學仔喺屋邨大堂煲蠟同埋爆蠟，真係超刺激兼好玩，仲好有過節氣氛㖭。但𠵱家人大咗，一來冇咁嘅情懷，二來怕死驚俾火燒親，所以再玩冇呢啲危險遊戲，呢日最多同啲朋友出嚟吹吓水。
我唔知道外國個月亮係咪特別圓，淨係知道德國班女足特別勁。北韓班囡囡個個好氣好力，腳頭又重，但係德國班囡囡仲厲害，有體力、有技術、又有經驗，所以今日同北韓女足爭入女子世界盃4強，點可能唔捧場呀？
讓球主客和︰德國女足勝[-1]
心得：兩連敗博自己反底
近5場往績：輸輸贏輸贏
青蛙仔
睇德國波同埋英國波大，大個之後攻埋日本波，兼且對日本藝能界幾有研究。