舒淇、陳奕迅前晚以嘉賓身份在銅鑼灣出席時裝表演活動，李蘢怡、吳文忻、謝婷婷都有到場，而王賢誌更由幾位男性友人陪同出席。
以短髮新造型示人的舒淇穿上品牌贊助的黑色背心，披上白色外套，但該背心既低胸又露臍，她胸前更露出紅色bra邊，驟眼看跟乳貼幾可亂真，她笑稱：「邊有乳貼貼到咁高，係個bra嚟。」
門票熱炒加送千嬅飛
問她是否剪掉一把長頭髮，她反問記者其新髮型是否好看，她說：「因為成日長頭髮，所以想轉換形象剪晒佢。」問她是否覺得一頭煩惱絲，舒淇表示：「呢個係假髮嚟，自己想睇吓大家嘅反應，如果反應好，都可以考慮吓。」
此外，將於下月舉行演唱會的陳奕迅，其門票掀起搶購熱，有網民將他演唱會門票放上網炒賣，兩張480元的門票炒至2,400元，並附送兩張220元楊千嬅演唱會門票，前晚問陳奕迅可知此事，他聞言說：「吓？我哋同一個主辦機構咩？幾時掛鈎？」問他可認為千嬅門票滯銷，他續稱：「咁又唔好咁講，可能買嗰個人有好多crossover，遲啲會拉埋黎小田啲飛嚟賣，不過呼籲啲人唔好幫襯佢，炒黃牛係犯法。」
榮升姑姐的謝婷婷表示對於姪兒Lucas出世，感到非常開心，提到其契媽汪明荃在Lucas滿月宴上叫婷婷生性做人，婷婷聞言說：「啲大人通常講呢啲說話。」但她坦言暫未有結婚生子的念頭。
採訪：胡比
攝影：陳慧安
