21/09/2007.....
天晴
最新動態
名帥摩連奴被炒魷，震撼世界！對賭波客其實冇乜大影響，不過平添車仔禮拜日作客對曼聯場大戰嘅茶餐廳話題，各地莊家開出紅魔主場讓平/半，兩邊各有大量捧場客，實際肥了莊家，猶如股價逼近兩張紅底嘅港交所，咁難估嘅波，我就頂多過關一注預埋呢場。
以我印象中，計今屆英超首位被炒賠率，摩帥大約係500倍以上嘅超級大冷；法比奧笑說，佢叫班𡃁走去投注站一人買幾百鎊，都可幫補吓嗰筆賠償金，我話，摩連奴袋番幾億走，唔使睇老細面色，佢先係贏家。仙道彬晨早短訊恭喜我，阿仙奴再做倫敦No.1，𠵱家熱刺同車仔立立亂，不過最重要贏「雙紅」攞聯賽冠軍。
最高興係我睇住阿仙奴由法比仔帶動嘅悅目快速推進，打到想鬥快嘅西維爾散晒；可惜嗰位達施華哥哥吹完場雞前入波，害我擂台貼咗入球細泡湯做唔到榜首，曼車大戰唔使我貼波，不過算啦，最重要係呢晚贏到笑呵呵！
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/
逢周一至五見報