亞視有新股東加盟後，重金禮聘無綫前董事總經理何定鈞擔任董事兼營運總裁，亞視長期積弱，準備由下個月開始進行大改革，並以一個清談節目《斑馬在線》作頭炮，更以百萬厚酬邀請劉天賜與陶傑兩位才子擔任主持。
亞視在89年請來倪匡、蔡瀾與黃霑主持的清談節目《今夜不設防》大受歡迎，最近何定鈞希望再找一些名嘴炮製一個受歡迎的清談節目，不過今次就請來其好友劉天賜與另一才子陶傑一起主持名為《斑馬在線》的節目，頭炮為《劍賞金庸》，共有65集，除了他們兩位主持外，倪匡與蔡瀾將會被邀請擔任嘉賓主持，屆時幾位名嘴將會討論金庸文化知識。
「唔可以乜都講錢」
劉天賜與陶傑近期為這節目經常密斟，節目名《斑馬在線》也是由兩人創作，意思是黑白分明在線上，為配合亞視新改革，由下月8日開始，每逢周一至周五晚在10點30分播出，每集會播映半小時。
記者昨日致電劉天賜求證，他說：「我係答應幫亞視主持《斑馬在線》，亞視係想長期做呢個節目，每集都會請唔同嘉賓上嚟講，但主持人就唔會好似《今夜不設防》咁喺節目入面飲酒。」問到賜官是否有百萬酬金時，他笑說：「酬勞係行規，唔可以講。」
另一位主持陶傑指今次答應為亞視做節目，完全是因為何定鈞與劉天賜誠意邀請，昨日他在電話中說：「做呢類清談節目，對我嚟講唔算係好有挑戰性，呢一次主要係畀面賜官同何定鈞，其實呢個節目主要係講中國嘅通識文化，任何界別嘅名人都有可能做嘉賓，好似頭一輯《劍賞金庸》，我哋除咗會請金庸上嚟外，仲會請倪匡或蔡瀾上嚟做嘉賓。」
問陶傑酬勞是否有七位數字？他笑說：「咁cheap？點解唔話有九位呢？身為香港嘅知識分子，唔可以乜都講錢嘅。」
家輝向世界出發
此外，亞視正密斟張家輝主持一個類似《向世界出發》的旅遊節目，家輝昨日說：「其實節目係介紹中國周邊國家嘅風土人情，從而發掘一啲感人故事出嚟，我對呢個節目幾有興趣，如果每次去嘅時間唔會太長，我都希望可以試吓做。」
採訪：林妃
