【本報訊】多吃蔬菜、少吃零食，是都巿人琅琅上口的健康要訣，但以鐵腕手段推行健康飲食卻不是人人受落。有小學要求學生把飯盤內的蔬菜吃光才可以離開飯堂，有學生受不住大哭；有學校把學生帶校的薯片、零食全部沒收。有校長認同健康飲食的大方向，但指推行時不應採用強迫方式；有營養師則指，長期迫孩子吃某類食物，最終可致反效果。
學生初時食到喊
衞生署去年開展健康飲食在校園計劃，共200多間學校參與，其中保良局方王錦全小學要求學生吃光飯盤內的菜蔬，該校教師張柏友解釋，「要啲學生食完先可以離開飯堂，初頭都有啲學生唔肯食，食到喊，經過三、四個月，冇一個學生唔肯食。」
香港資助小學校長會主席張志鴻指，進食是需要也是享受，「可以用方法引佢哋食，唔係話唔食晒就唔准走。」他認為，小量不健康零食可以接受，「薯片呢啲嘢唔係好食物，但食些少，每次食兩三片，都冇所謂。」
身心營養顧問註冊營養師劉立儀提醒學校留意計劃的執行手法，她解釋，食物金字塔的塔頂是「高脂、高糖、高油」食物，可以小量進食，不應抹煞，「同細路仔講唔可以食，佢反而更加會食，我都見過有啲個案係被父母強迫食健康食物，到佢哋大個諗起嗰樣食物，都會反感。」
部份學校「辣招」
1.要求學生把菜蔬吃光，否則不能離開飯堂
2.不健康的零食，不可帶回學校
3.小賣部不再出售雞翼、即食麵及其他不健康零食
4.訂購健康餐的學生可獲贈磁石書貼、間尺等
資料來源：參與「健康飲食在校園」學校