為迎接中秋同埋女子世界盃8強，本報搞咗個女足嫦娥姐姐選舉，務求搵出今屆「睇得又踢得」嘅選手。可能由細到大都讀女校嘅關係，我覺得女子運動員如果靚得嚟帶啲英氣，其實仲型。
好似前阿根廷女網手莎芭天妮咁，就係又型又靚嘅典範，特別係佢嗰招同男子球手一樣嘅反身跨下救波，真係型到不得了，係我哋一班女同學嘅偶像。德國女足嘅主力佩蓮絲雖然唔夠莎芭天妮咁靚，但就一樣咁型，尤其係佢頭槌入波嗰吓，勁過唔少男子足球員，今場德國硬撼北韓，梗係捧德國啦！
讓球主客和︰德國女足勝[-1]
心得：德國唔會再揸流攤
近5場往績：贏贏贏輸輸
吾中
買嘢講名牌，但賭波一定唔會做名牌奴隸嘅大聯盟女神。