呢排黑，但唔係賭波黑，而係屋企部電腦死咗機，搞到又要搵老友卡斯辛奴整整佢，順便再約埋好鍾意排陣嘅殺手豪食餐晚飯，坐埋坐埋又傾番啲童年開心嘢。卡斯佢好快手，我收到短訊「你部機ok」即刻精神晒，起碼又可以重遇古都。
上周日放假等肥仔嚟之前，一條友走咗去銅鑼灣行街，入去「任何時候」諗住補購對中村世紀嘅油皮帆船鞋。雖然我阿哥碧豪都有對同款同色嘅，而且我哋兩兄弟隻腳size一樣，大家經常調轉鞋着吓咁，但自己點都想擁有一對。
同個靚女sales傾傾吓，發覺我對呢個品牌仲熟過佢，佢有啲details位連顏色都分錯，好彩自己一直用開中村世紀嘅產品啫。做生意唔熟唔做，賭波都係唔熟唔賭，米堡呢隊波，我熟！
主客和：米杜士堡勝
心得：呢隻黑貓冇9條命
近5場往績：贏輸贏贏贏
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。