鄧健泓近日回巢無綫成為總經理陳志雲的愛將後，曝光率跳升百倍，除擔任各大騷主持兼一周四天主持《味分高下》外，陳志雲更忽然點名要過氣愛將崔建邦遠赴玉珠峯爬雪山，將其《勁歌金曲》主持工作騰出由鄧健泓接手。得陳志雲這位伯樂賞識，鄧健泓昨日毫不避忌公開形容對方是「蜜糖」，相信陳志雲這位「Honey」應該很受落。
無綫總經理陳志雲在電視界有點石成金的能力，愛將卻如走馬燈般不停轉，且得其歡心的全是男藝人，之前他就曾因力捧崔建邦，令王賢誌不滿離巢，現在陳志雲又轉而「寵愛」鄧健泓，崔建邦頓時失寵，只剩下《娛樂直播》、《東張西望》及《勁歌金曲》三項主持工作，其他大騷已不見其蹤影，最近還忽然被點名與郭羨妮及梁榮忠遠赴玉珠峯爬雪山，作為台慶節目之一，短暫放逐使他被迫將《勁歌》主持一職，拱手讓給勁敵鄧健泓，至於《娛樂直播》和《東張西望》則由其他主持分擔。
崔建邦前晚在將軍澳電視廣播城主持《勁歌金曲》時，許志安及南拳媽媽等歌手都有參與錄影，古巨基更憑《愛回家》得勁歌金榜冠軍歌。節目結束時，崔建邦特地介紹鄧健泓出場接替其主持工作，暫未決定頂替多少集。
豬籠入水
「咁多嘢做好易爆騷」
其實鄧健泓過去在無綫發展不俗，兼且簽約黃柏高旗下，推出歌曲《直上》及《心寒》等反應也很好，但因當時他只顧與原子鏸拍拖，在緋聞影響下，最後與無綫經理人合約屆滿便黯然離開，之後簽約漢傳媒事業也無甚起色，直到早前再簽無綫經理人合約，深得陳志雲歡心，即開始頻接大騷司儀工作，如《京港心連心倒數迎奧運》、《勁歌金曲優秀選第二回2007》及《最受歡迎廣告頒獎禮2007》等，又主持《味分高下》，現在連崔建邦的《勁歌》主持工作也接手，對崔建邦來說可謂一步一進迫。
昨日鄧健泓到商台接受訪問時談及此事，他說：「唔係取代，係暫時性，遲啲我仲要拍劇，加埋做《味分高下》，咁多嘢做好易爆騷，錢係搵多咗。」不過當鄧健泓被要求以食物形容幾位身邊重要人士時，他毫不避忌地答：「陳志雲係蜜糖。」事後鄧健泓又說：「因為佢畀好多機會我，其實每個經理人簽得藝人，都想做到最好，我好多謝佢。」
曾遭放棄
嘲諷黃柏高係苦瓜
鄧健泓又稱讚崔建邦是味精，因為他可令節目更鮮味。至於女友李詩韻則是水，問到是否有情飲水飽？鄧健泓笑完又支吾以對，他說：「水係個個都需要，好似朋友都係人人都需要㗎，愛情喺適當時候要有㗎，我私生活向來低調，唔想多講啫！」曾放棄他的黃柏高呢？鄧健泓以苦瓜來形容，庾澄慶則是芥辣，因為很有火。
此外，前晚古巨基被問到好友傅明憲有否受丈夫葉劍波被捕一事影響時，他說：「我有同佢通電話，佢情緒OK，其他嘢唔多講，我哋亦冇傾得太多嘢，過一排先約見面。」問到有否好友陪伴傅明憲？基仔說：「唔清楚呀，一定有狗仔陪住佢，因為佢當狗仔係屋企人，其實佢都好堅強，遲啲我同吳家樂會約佢見面。」
採訪：李珮洳、胡比
攝影：陳慧安
火速上位橫掃主持Job
鄧健泓回巢無綫後，不但獲安排主持一周播四晚的《味分高下》，更成為大騷御用司儀。
最高蘋嬸
睇怕崔建邦唔使去爬雪山已經夠晒凍，陳志雲大可以安排鄧健泓喺台慶獻唱《直上》，叫崔建邦唱《心寒》，咁就夠晒娛樂性啦！
娛樂資料庫：陳志雲三大愛將
姓名：王貽興
年齡：28歲
學歷：中文大學中文系畢業
入行年份：去年
曾主持節目：《最緊要正字》、《謎》、《最緊要進步》
姓名：鄧健泓
年齡：33歲
學歷：加拿大留學大學畢業
入行年份：96年
曾主持節目：《味分高下》、《最受歡迎廣告頒獎禮2007》、《勁歌金曲優秀選第二回2007》
姓名：崔建邦
年齡：28歲
學歷：電腦平面設計文憑
入行年份：02年
曾主持節目：《東張西望》、《勁歌金曲》、《娛樂直播》
資料來源：《蘋果》資料室
娛樂資料庫：王賢誌離巢爆大鑊
因崔建邦迅速冒起而對無綫心淡的前主持人王賢誌，現年35歲，13年前加盟無綫後由茄喱啡做起，因眼見資歷比自己淺的崔建邦躍升台慶司儀，加上近年被無綫冷待，意興闌珊的他今年5月底約滿後便不再續約，另謀發展。
王賢誌早前接受本報訪問時，大爆無綫要求藝員整容及介紹整容醫生給藝員。陳志雲為了安撫王賢誌，專誠邀請對方擔任新節目《志雲上素》的首集嘉賓，並親自煮齋菜給他下火，更找來崔建邦一起撐場，但王賢誌坦言心結很難一朝解開。
