20/09/07.....
天晴
最新動態
認識編輯C已十多年，呢位大哥賭性甚強，寫過馬經，又聽佢講多年前過大海玩角子老虎機贏幾萬蚊，即時引來賭場叠碼仔垂涎，請纓護送佢到碼頭搭船回港𢱑番幾千等奇趣事；現時跟潮流，棄馬玩波，佢同好多波友一樣，對邊11個落場踢波唔清楚亦懶理，但我相信佢賭錢眼光唔錯。
長期喺賭枱不離不棄，除病態賭徒，亦可能係一啲叻人，視博彩為消閒，做事有節制，唔濫賭唔瞓身；我探聽過編輯C原來最愛買足智彩混合過關，尤其貪好分博「讓球主客和」，串射4、5關，當中一兩關兼顧兩瓣，好似佢會中到星期二AC「和」同皇馬「和」，兩關串射已十多倍；數十元一注、幾百元買，有時仲好醒目搵埋同事夾份，中正一人分一、兩千元，深得人心！
賭波都係各顯神通嘅玩意，但如果多幾位純計賠率、不理軍情同對賽數據嘅波友，我哋眾名家份工就危危乎咯！
http://hk.myblog.yahoo.com/footballexperts/
逢周一至五見報
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。