大部份辦公室已實行電腦化，但始終需要親筆書寫文件，網民「1a2b3c」要經常處理老闆手寫文件，這件工作對她來說是苦差，「我老闆手字真係好核突，有時一個英文字八個字母，我只係睇到三兩粒，潦草到不得了，不過跟咗佢咁多年，𠵱家一睇已經估到佢想寫乜。」
老闆高高在上，字寫得潦草下屬敢怒不敢言，網民「老紀」則埋怨上司寫中文太多錯別字，「我老闆啲英文OK，但係中文全部都係錯別字，我哋幫佢出重要文件嗰時先死。」有人說上司的字「中文英文都好肉酸」，有人形容是「一條條蛇」，難為協助老闆工作的秘書「mudulldull」，「佢以為自己手字鐵畫銀鈎，仲叫我配過副隱形眼鏡。」網民upmudnine話：「某啲人真係認為自己地位高咗，內涵都會深咗。」
http://www14.discuss.com.hk/viewthread.php?tid=5295062&extra=page%3D1