郭羨妮同吳家樂等一班無綫藝員日前去咗湖南錄影《舞動奇跡》，經過連日嚟嘅辛苦排練後，佢哋已經可以由唔識到識得跳晒成隻拉丁舞，早排佢兩個比賽時仲合作咗一隻主題叫做「人鬼情未了」嘅舞蹈，認真浪漫。入圍嘅謝天華、楊思琦、吳家樂、郭羨妮同袁偉豪等今晚就會進行第五場比賽，爭取進入總決賽，所以大家都好緊張。