人有相似係平常事，好似近期日本女星中島美嘉改變形象，阿Deep第一眼已經覺得佢好似和田秋子，連日本網友都有同感。不過，阿Deep就發覺網友嘅想像力，真係超乎想像，佢哋竟然諗到日本水着女星夏目理緒嘅某部份跟幪面超人電王對眼非常似，但就唔係夏目對眼，而係佢對Hcup巨胸上面嘅紅色比堅尼，真係笑爆嘴！
井上似單眼怪
有日本網民指有「日版Purple姐姐」之稱嘅夏目理緒同幪面超人電王非常相似，講緊係前者Hcup巨胸嘅鮮紅比堅尼同後者嘅紅色怪眼，有相比拼都未夠，網友仲將電王同夏目合體，原來電王對眼真係可以代替夏目嘅Hcup巨胸㗎。
另一過氣巨胸女星井上和香一樣被玩，有網民話佢似日本黑白片時代嘅懷舊單眼妖怪，當然唔係話和香似單眼，而係佢哋嘅厚唇好似樣。睇番啲正常嘅，除咗中島美嘉被指新形象似和田秋子外，《死亡筆記》女星戶田惠梨香就被指似韓國女歌手李貞賢，阿Deep都覺得佢哋十足餅印。
網址： http://www.meiwasuisan.com/frame
版主：網盜王尊尼Deep
本欄逢周一至五刊出