所謂集體回憶，除了一幢建築物外，也可以是一本書，更可能是一條籐條！Net神時時上網「四圍八」，昨日去到大批媽咪網民聚腳的親子王國討論區，看到網民「火石」問：「家中有冇買籐條？有冇用來打過仔女？」吸引大批網民回應，原來大家都有一個被籐條教訓的集體回憶。
「我阿媽成日打我的」
「以前有好多條，仲要係孖條，我阿媽成日打我的，幾鬼痛。」網民alleeckw還記得被「籐條炆豬肉」的往事，不少新一代家長都有相同經驗，因此大部份都反對將籐條家法代代相傳。「我堅信打並唔係一個好辦法，我只信溝通與理解。」
要度過沒有籐條的日子，網民各師各法，有人用衣架甚至用乒乓球拍來「恐嚇」小朋友，盡量不真正施加體罰。網民麟媽媽：「有次我又係好勞氣，一手拎起佢塊乒乓波板！佢好驚咁望住我，好在我最後理智戰勝憤怒。」
http://forum.baby-kingdom.com/viewthread.php?tid=1139301&extra=page%3D1
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]