由姜文執導兼主演的電影《太陽照常升起》前晚在金鐘舉行首映禮，演員房祖名及姜文女友周韵都有出席，霍啓山、陳奕迅及方大同則到場支持好友。新聞稿上被邀請的嘉賓名單有祖名的緋聞女友薛凱琪（Fiona），祖名前晚聞言即說：「吓！係咪搞錯？佢喺台灣，方大同做代表。」問他為何不見其母林鳳嬌到場，祖名說：「媽咪怕人多，佢遲啲會去捧場。」
任由成龍責罵
問祖名其緋聞女友Fiona沒有到場可感到失望，他說：「唔失望，佢喺台灣錄歌，反而陳栢霖嚟唔到就傷心。」對於被父親成龍斷定他不能得獎，祖名表示沒有感到失望，他說：「老竇嘅責任係鬧仔，佢都好盡責，我都希望可以再拍姜文嘅電影。」
方大同被問及好友祖名露股一事時說：「我冇研究，不過我睇完部戲會將部戲感覺講畀Fiona聽，但相信佢都應該睇過。」
此外，周韵於昨日已返回北京，她稱非常掛念家中的孩子。
採訪：魯萍
攝影：林德雄