之前話過化妝界「千先生」吹水唔抹嘴，即時有阿太打嚟同阿蘇分享。話說早輪一個大派對，「千先生」四圍狂sell自己旅遊書嘅度假勝地，仲走去同超級阿太講，話要約人哋一齊去旅行，仲當正人哋係奀星咁，大口氣話到時親自幫佢化妝，同埋會call到張文華幫佢影靚相云云，聽到超級阿太反晒眼，不過超級阿太都好有禮貌咁推話：「好，搵機會。」
千先生聽完，即時好威咁轉去𠱁二號阿太，仲反轉成套說話，實牙實齒話自己遲啲同超級阿太去旅行，問二號阿太要唔要join埋？就係咁，一路吹一路呃咁黐金糠。
撰文：阿蘇
本欄逢周一至六刊出