有「上戶彩接班人」之稱嘅日本水着女星南明奈，憑青春無敵與燦爛笑容，喺日本越來越受歡迎，寫真銷量更打敗星野亞希、小倉優子等前輩，難怪佢個blog吸引唔少fans瀏覽。
愛玩自拍
今年就讀高中3年級嘅南明奈，雖然貴為人氣偶像，不過鏡頭背後嘅佢亦同一般日本少女無異，鍾意玩吓自拍、塗吓指甲，又唔介意將自己搽唇膏出晒界嘅相放上網。明奈平日放學後唔使開工，就最鍾意同朋友去澀谷行街shopping，仲不忘將新買嘅工人褲放上blog。另外，佢又話好討厭上倫理堂，上堂時一啲都聽唔明，各位好學生千祈咪學呀！
網址： http://akkinablog.jugem.jp/