因為「衰十一」而遭磐田山葉炒魷，同俾日本足總禁止喺國內比賽一年嘅前日本奧運國腳中場菊地直哉，𠵱家去咗德甲發展，仲有機會效力禾夫斯堡㖭。聽講禾堡教練馬加夫幾欣賞菊地，話如果對方喺預備組有好表現，就提升佢上A隊。菊地難得有機會翻身，加上喺德國有高原直泰同稻本潤一等同鄉睇住，希望佢好好珍惜啦！